Emirat von Granada

S Emiraat vo Granada (arabisch إمارة غرﻧﺎﻃﺔ‎, DMG Imārat Ġarnāṭa), au bekannt as Köönigriich Granada oder Sultanat Granada, isch e muslimischs Staatswääse in Andalusie im hütige Spanie gsi. Es het vo 1238 bis 1492 bestande. Si Hauptstadt isch Granada gsi. Es isch vo dr Dünastii vo de Nasride gründet und beherrscht worde. Si letscht Herrscher isch dr Muhammad XII. „Boabdil“ gsi, wo dr Droon am 2. Januar 1492 an die Katholische Köönig verloore het. Mit em Emiraat vo Granada isch s letschte muslimisch beherrschte Territorium uf dr Iberische Halbinsle (al-andalus) verschwunde. Bi dr Kapitulazioon häi d Kastilier de Muslime zwar Religionsfreihäit versproche, aber muslimisch Ooberschicht isch bald uf Afrika usgwanderet und d Moriske, wo no bliibe si, si zum Däil zwangsbekeert worde oder noch d Ufständ vo 1499 bis 1571 us Spanie verdriibe worde (1609, 1611).